| الدنيا برد --- محمد جنيدي |
|
|
| Wednesday, 03 September 2008 | |
|
الدنيا برد
لَفِّيت لَقِيت الدنيا برد
الدنيا برد
حَسِّيت كأنِّي عجوز بجد
عجوز بجد
بَصِّيت لَقِيت اللي اسمه إيه
هُوَّه اسمه إيه؟!
دا يطلع ايه!
نفسي افتكر
كان إسمه أيه؟!
لا.. بلاش ارُحْلُه يْلُمني جد
يِعْمِلِّي فيها كبير وسد
ويقول نسيتُه.. وْهوَّه حد
أهُو أي حد..
ونسيت دا أيه!
ومشيت ابصِّ شمال يمين
وأبصِّ فوق وأبصِّ تحت
ولَقِيت كبير اللي اسمه إيه
هُوَّه اسمه إيه!
بيقولوا عنُّه انِّ اسمه تخت
والتَّخت عالي مَلُهش حل
رَصِّين عليه ريحان وفل
وسألت روحي دا مِلْكِ مين!
وانا شفته فين..
انا شفته فين!
أنا يمكن ابقى صحيح نسيت
خايف أرُحْلُه يشوفنِي حد
يجري ورايا يمدِّ مَد
ويقول: حويط ولَئِيم بِجَد
ونسيت انا..
ونسيت دا إيه!
دا باينِّي تُهت
شَكْلِي انِّي تُهت
ومشيت لَقِيت زفَّه لِخيل
وأبو اسماعيل..
قاعد وفارد لي ف.إيديه
دُول مُش إيديه
مين خاد إيديه!
أُمَّال إيديه
كان فيها إيه!
بَسِّ افتكرت..
كان فيها مرسوم تعبانين
وأسد وعين
وبتاع عليه..
نفسي افتكر
كان إيه عليه
كّنُّه اسمه إيه..
هوّه اسمه إيه!
لا بلاشَ ارُحْلُه يقول نسيت
هِيَّه المصيبه أكون نسيت
مُمْكِن أكُون فعلاً نسيت
يا خساره ع. العقل اللي كان
كان مسطره وساعه كمان
والله زمان..
والله زمان!
خليني اروح السُّوق عشان
زوجتي قالتلي أجيب لبان
ودا يطلع ايه!
ولبان دا إيه!!
دا أكيد هَجِيبلِي جُوزين حمام
وفْرِيك وبطِّخْتِين تمام
أه يا سلام..
أكل الحمام!
وايَّام زمام
وزمام دا إيه!
هيَّه زمان ولا زمام؟!
دانا حِلْتِي كانوا اتْنِين جنيه
وبَقُومْ جنيه..
وجنيه قولولي هَيِعْمِل ايه!!
أُمَّال بروح السُّوق لإيه!
دانا ميَّه ميَّه أكيد نسيت
مَفِيهاش كلام
فعلاً نسيت
قلت ارجع البيت من سُكَات
ولا نشتري
ولا خُدْ وهات
وناديت عليها امُّ العيال
يا امُّ العيال..
يا امُّ العيال
قالتلي مين؟
هُوَّه انت مين!
قُلْتِلْهَا إخْصِّ عليكِ إخص
تِنْسيني من ساعه ونُص
قالتْلِي والله العظيم
مَعرفش إسمك إيه ومين
هُوّه انت مين!
قُلْتِلْهَا بردو أنا ابقى مين
كدا بردو يا امُّ اللي اسْمُه إيه
هُوّه اسمه إيه!
لكن صحيح أنا أبقى مين
أنا أبقى مين!
بصِّيت شمال بصِّيت يِمين
وسألت روحي عليَّه فين
وانا جيت منين
وكمان مَنِيش عارف منين
استغفرُ اللهَ العظيم
استغفرُ اللهَ العظيم
إن ابقى نون أو أبقى ميم
أنا عبد من فيض الكريم
أنا أيِّ حد
أنا أيِّ حد!!
بصرخ واهاتِي وْنِفْسِي جَدَّ
اعرف منين انا مين وفين!
فين بيتي فين!!
حاسس بجدِّ انّي بموت
حاسس بجدِّ انّي بموت
والدنيا برد
الدنيا برد
الدنيا برد
محمد محمد علي جنيدي
عنوان 9 شارع مصطفى كامل متفرع من شارع الجمهورية / بني سويف / جمهورية مصر العربية
ت منزل وفاكس 002082231602 ----- ت محمول 0020105785807
|
|
| آخر تحديث ( Wednesday, 03 September 2008 ) |
| < السابق | التالى > |
|---|
| Totals Top 10 | ||
 | 27 % | Sweden (38278) |
 | 13 % | Germany (18575) |
 | 11 % | United States (16009) |
 | 7 % | Netherlands (9876) |
 | 5 % | United Kingdom (7595) |
 | 5 % | Iraq (6426) |
 | 3 % | Norway (4430) |
 | 3 % | Denmark (3898) |
 | 3 % | Saudi Arabia (3616) |
 | 3 % | United Arab Emirates (3597) |
| 139080 visits from 120 countries | ||
هذا البريد محمى من المتطفلين , تحتاج إلى تشغيل الجافا سكريبت لمشاهدته
اتصل بنا
مواقع
كوردستان تي في
الاتحاد الوطني الكوردستاني
اصوات العراق
صوت العراق
آكي
موسوعة النهرين
إيلاف
ويكيبيديا
شفق للثقافة والأعلام للكورد الفيليين
صور احداث الساعة
وكالة فرانس برس
صحف ومجلات
الشرق الأوسط
التاخي
الحياة
المدى
الصباح
الدستور
الإتحاد العراقي
الاتحاد الاماراتية
دار الخليج
الصباح الجديد
وكالات انباء
سي إن إن بالعربية
بي بي سي بالعربية
ميدل ايست
وكالة الانباء الكويتية
وكالة انباء براثا
العربية
العرب اونلاين
الصوت الآخر
الزمان
